Noticia publicada en Diario Vasco sección Bidasoa,el sábado día 16 de Abril de 2016.

Robotak lehian Ficoban, maiatzean

Espainiako Ligako saio bat, Madrilen. / IFEMA

• Euskobot ekimenak lehiaketako robotika ekarriko du Gipuzkoara, eta bertan egingo da Espainiako Ligako azken saioa

• EL DIARIO VASCO
  @diariovasco
 
• IRUN

16 abril 201612:04

Euskobot ekimena izango da Irungo (Gipuzkoa) Ficoban maiatzaren 28an, Lehiaketako Robotikako Espainiako Liga Nazionalak bultzatuta, eta bere zortzigarren denboraldiaren azken saioa egingo du erakustazokako auditoriumean. Ekimena Estatuko hainbat hiritan egiten da, futbol liga bat balitz bezala, kategoria desberdinetan lehiatzen diren roboten artean.

Nagusiki humanoide, minisumo eta lasterketa kategorian lehiatuko diren parte hartzaile profesionalak bilduko ditu Ficoban Euskobot ekitaldiak, bai eta 14 urtetik gorako ikasleak ere, beren robot propioa sortu eta beren adineko neska-mutilekin aztarnari eta minisumo kategorietan lehiatu nahi direnak.

«Gure helburua da ikasleak modu dibertigarri eta praktikoan errobotikaren munduan sartzen joan daitezela -esan du Raul Lapeira ekitaldiaren antolatzaileak-, alegia, joan daitezela poliki-poliki gai honekin kutsatzen eta, batek daki, etorkizunean agian alor honetako ikasketak aukeratuko dituztenak. Horregatik, oso interesgarria da ekitaldi berean profesionalak zein ikasleak elkarrekin egoteko aukera izatea, gazteek ikus dezatela badagoela eboluzionatzen eta ikasten jarraitzeko aukera».

Euskobot ekimenean parte hartzeko interesa duten guztiek web orri honen bidez eman dezakete izena: http://lnrc.es/ficoba/. Inskripzioa norberaren izenean egin daiteke, baina baita beste lagun batzuekin taldeak sortuta ere.