David Soto izango da Ahal Dugu Irunen hautagaia alkatetzarako
Zuzenbidean lizentziatua, Sí se Puede Irun taldearen bozeramaile izan da lau urtez. David Soto Rodríguez Ahal Dugu Irunen alkatetzarako hautagai izateko hautatua izan da. 122 lagunek parte hartu dute alderdiaren barne-primarioetan. Miren Echeveste idazkari nagusiak aurkeztu du gaur goizean Irungo alkatetzarako hautagaia.
Inork ezin du zalantzan jarri 2015ean Sí se Puede Irun udaletxean sartu zenean alderdi tradizionalen arteko botere-oreka hautsi egin zela. Sí se Puede Irun egonkortu egin da oposiziotik, eta argi utzi du alderdirik baliagarriena dela eta beharrezkoa dela udal-politiketan benetako aldaketa bat lortzeko.
2019an hauteskundeetara aurkeztuko gara, erabat ziur politika zaharraren praktikak gure hiritik kanporatzeko Ahal Dugu Irunek funtsezkoa izaten jarraituko duela, oraingo honetan gobernutik. Ahal Dugu Irun hauteskundeen ondoren edozein gobernu eratzeko erdigunean egongo da, gure presentzia ezinbestekoa izango baita Udala aldatzen dela bermatzeko.
2019an Elkarrekin Podemos markarekin aurkeztu gara; aldaketa bultzatzen duten beste alderdiekin (Ezker Anitza eta EQUO) akordioak ixtearen zain gaude. Irunen boto baliagarria sendotuko dute indar aurrerakoien sorta zabalduko da horrela.
Gure proiektua garatzeko funtsezko ardatzak hauek izango dira: aparkaleku-arazoa ebaztea, trafikoa hobetzea, prekarietatearekin eta langabeziarekin amaitzea, saltoki txikien narriadurari buelta ematea, eta eskualdeko merkataritza garatzeko estrategien gabezia konpontzea. Era berean, segurtasun-faltaren sentsazioari erantzun beharko zaio, bai eta Irunen narriatuta dauden hirigintza-eremuei eta etxebizitza bat eskuratzeko aukera-faltari ere.
No hay comentarios:
Publicar un comentario