Jose Cayetano Diez (e), Jokin Melida eta Dani Berasategi. / Martin Tellechea
Aurrekontuei buruz hitz egin du azken egun hauetan EH Bilduk. “Martxoan gaude”, diote EH Bildutik komunikabideetara bidalitako prentsa oharrean, “eta oraindik aurrekonturik gabe gaude. Asteak pasatzen ari dira, ikusten dugu gainontzeko taldeek elkarrizketa batzuk izan dituztela udal gobernuarekin hauek aurrera ateratzeko, baina azken finean, emaitzarik ez”.
“Udal gobernua mantentzen ari zen negoziazio hori bukatutzat eman dute gainontzeko oposizioko alderdiek, eta horrek eszenarioa argitu du, eta aitzakiak bukatu egin dira. Aurrekontuak luzatu egin direla dio alkateak, bere ahotsan entzun ahal izan dugu, eta honek egoera kafkianoa marrazten digu. Irundarrek jakin behar dute aurrekontuak izan genitzakeeela, udal honetan gehiengo oso batek ez du hiria paralizatzea nahi, Irunek aurrera egitea nahi dute. Eta errealitatea gordina da, alkateak ez du aurrekontua eztabaidatua izatea nahi”.
“Baina zer suposatzen die honek irundarroi? Irungo EH Bilduk hauxe planteatzen zuen: etxebizitza sozialak, gazteriari laguntzak, lehenengo sektoreari, enplegu sortzea, energiaren aldeko politikak… Ez dakigu zergatik udal gobernuak ez duen Irundarron ongizatea hobetuko dituzten proposamenei heldu nahi. Alkateak dekretazoaren bidetik edo udalbatzaren bidetik bere proiektuak aurrera atera nahi dituen susmoa dugu, baina bakarrik komunikatiboki bere interesekoak diren ekimenak. Badakigu ze jokutara nahi duen aritu baina gu ez gara sartuko, baina ez gure alderdiaren interesen arabera, irundarron interesenen arabera baizik”.
EH Bilduren ustetan, udal gobernuak ekintza politikoa marketing hutsa bihurtu du. “Adibiderik garbiena, azken bost egun hauetan, 15 bat ekintza komunikatibo planteatu dituela da. Salmenta frenetiko honen ondorioz, inauguraze jarraitu ero honen ondorioz, udal gobernua ahazten ari da herritarrok jakin beharko lituzketen beste azalpen batzuk”. Eta horietako adibideak jarri dituzte EH Bildutik: autobus elektriko berrietan izaten ari diren akatsak, Azken Portuko bidegorriaren arazoak, Avenida zubia urte bat geldirik egon dela edo Ikust Alaia hustuketa burutu dela hitzarmenik gabe plangintzatu gabeko ekintza batean.
“Ondorioz, hitza da beldurra. EH Bilduk Irun eraiki nahi du, baina XXI. mendeko hiria, ezberdinen arteko akordioak lehenetsiz eta herritarrei entzunez. Bukatzeko, jakinarazi nahi dizuegu EH Bilduk berretsi nahi duela aurrekontuak nahi ditugula, eta, gure esku dauden baliabide guztiak erabiliko ditugula, aurrekontuak izan ditzagun. Era berean, alkateak zatika onartu nahi dituen aurrekontu zati horiek ez ditugula babestuko esan nahi dugu. Aurrekontua onartu nahi badu, bere osotasunean beharko du izan”.