KATUEN TOPALEKU BILAKATUKO DUTE FICOBA ASTEBURUAN
Ficobako 1. pabiloian egingo dute erakusketa.
Datorren asteburuan (hilaren 7 eta 8an zehazki) XIII. Katu Erakusketa egingo dute Irungo Ficoba erakustazokako lehenengo pabiloian. Guztira, 30 arraza ezberdinetako 200 katu baino gehiago ikusteko aukera izango da. Amobs Star klub frantziarrak antolatu du erakusketa berezia.
Larubat zein igandean, epaileek katuak aztertu eta sailkatu egingo dituzte arraza eta kolorean arabera, ondoren, alerik onena aukeratzeko. Nazioarteko Txapeldun, Europako Txapeldun eta Europako Txapelndun Handia tituluak banatuko dituzte. Parte hartuko duten katuak Gipuzkoa, Bizkaia, Asturias eta Kataluniakoak izango dira.
10:00etatik 18:00etara zabalik egongo da erakusketa, eta sarrerak 4 euroan eskura daitezke. 12 urte azpiko haurrek ez dute sarrerarik ordaindu beharko.
No hay comentarios:
Publicar un comentario