Astelehen gauean erabat itxiko dute AP-8a Errenteria-Orereta parean
21:00etatik 04:00etara guztiz etengo da Bilborako norabidean errepidea, Aginaztegiko tunelean eta Masti Loidiko zubibidean lanak egin behar dituztelako.
Gipuzkoako Foru Aldundiak jakinarazi du astelehen gauean (hilaren 21ean), 21:00etatik 04:00etara, erabat itxiko dela trafikoarentzat AP-8 errepidea Bilborako noranzkoan bertako 13,000 eta 19,000 puntu kilometrikoen artean, Errenteria-Orereta parean. Lanak egin behar dituzte tarte horretan: Aginaztegiko tunelaren egoera ikuskatu behar dute beharginek, eta Masti Loidiko zubibideko dilatazio juntak konpondu behar dituzte.
Hortaz, aldundiak erabateko etete horri aurre egiteko landu dituen alternatiben berri eman du.
- Donostia zein Bilbora joateko, Oiartzun/Errenteriako lotunean GI-20a hartu beharko dute gidariek, eta Donostiako saihesbidetik igaro.
- Astigarragara eta Hernanira joateko, Oiartzun/Errenteriako lotunean GI-20a hartu beharko dute gidariek, eta 5. irteera erabili Intxaurrondoko norabidean. Garberako biribilgunean GI-41etik Martuteneko biribilgunera joan behar dute segidan, eta bertatik A-15ean sartu.
No hay comentarios:
Publicar un comentario