Noticia publicada en Bidasoko HITZA. el sábado día 31 de Octubre de 2026.

Aisia

Izua, heriotza, sinesmenak, mozorroak... Hemen da Gau Beltza!

Irunen eta Hondarribian Gau Beltzeko jarduerak izango dira iluntzean. HITZAk astelehenean argitaratuko du gaurko egunak ematen duen materiala.

Leire Perlines Apalategi

Hondarribia,Irun

2026/10/31

Egun magikoa da gaurkoa. Magikoa bezain berezia, eta berezia bezain misteriotsua. Gau Beltza da gaur, hilaren azken eguna, 31 baita. Emozio ugari biltzen ditu gaurko egunak, eta denentzat hitzordu politak badira ere, haurrek gozatzen dute bereziki gaurko egunaz. Izua, sustoak, sinesmenak, kondairak edota mozorroak dira gaurko eguneko protagonista, nahiz eta gau partean ikusiko diren gehienak.

Urteen poderioz aldatuz joan dira gaurko eguneko ospakizunak, eta gaur gaurkoz batez ere haurrei begirako ekitaldiak eta jarduerak antolatzen dituzte. Ilunabarrean hasiko dira Oarsoaldeko lau herrietan ekitaldiak, baina goizeko lehen orduetatik dabiltza kalean hara eta hona mozorrotutako herritarrak.

HITZAk bildutako informazioaren arabera, Hondarribian Gau Beltzaren lanketa berezia egin da aurten. Herritarrek eta herriko askotariko eragileek Hondarribiko Udalaren bultzada jaso dute Gau Beltzaren ereduaren berri izan dezaten, eta ospakizun horren esanahia, izaera eta oinarriak ezagutzeko hainbat prestaketa-tailer antolatu dira urrian zehar (beste herrietan ere antzerakoak egin dira). Gainera, larunbateko egitaraua ere elkarlanean antolatu dute, beraz, esan daiteke Hondarribian aurten inoiz baino indartsuago iritsi dela bertako baserrietan ere bizi zen egunaren mezu eta esanahia. Irunen azken urteetan, apurka bada ere, ari dira euskal festarekin bat egiten.

Hedabide honek herrietako eragileen bidez bilduko ditu Gau Beltzaren bueltan larunbatean egingo diren jarduerak, eta astelehenean argitaratuko ditu horiek. Inork bere irudiak HITZAn argitaratzea nahi balu, bidali ditzala herri bakoitzari dagokion helbide elektronikora [hondarribia@hitza.eus, irun@hitza.eus].

Hilaren 31ko Gau Beltzak

• Hondarribia. 16:30ean, Jostaldin, ipuinak; 17:00etan, Muliaten, Izuaren Ibilbidea, mozorro lehiaketa, eta txokolatada; 19:30ean, Baluartetik, Izuaren Ibilbidea; 19:45ean, Gipuzkoa plazan, musika, dantza, gaztaina jatea eta Beldurrak sutara .
• Irun. 20:00etan, Arbesko errotatik, Santiagoko Deabruen desfilea Zabaltza plazaraino.
  • Urdanibia auzoa: 12:00etan, tailerrak; 16:30, 17:20, 18:05 eta 19:20an, Gauaren sekretua ikuskizuna haurrentzat; 17:00etan, Saria edo ziria jarduera.
  • Erdialdeko auzo elkartea: 18:00etan, Gau beltza ipuina, askaria, eta DJ Iñigo.

Noticia publicada en Bidasoko HITZA, el viernes día 30 de Octubre de 2026.

Gizartea

Irungo sozialistek AP-8an hirugarren errei bat egitea proposatu dute

Autobidean Behobiarainoko hirugarren errei bat egitea trafikoa arintzeko tresna eraginkorrena dela defendatu dute sozialistek.

Kamioiak, bide bat hartzen, Irun eta Biriatu artean

Gorka Correyero Llamas

Irun

2026/10/30

Azken hilabeteotan, trafiko pilaketa ugari izan dira Irunen, hiria kolapsatzeraino. Egoera aztertuta, Irungo sozialistek AP-8 autobidean hirugarren errei bat sortzeko proposamena egin dute. Horrek trafikoa arintzen asko lagunduko lukeela defendatu dute, eta gainera, bateragarria dela diote Behobia inguruan egingo duten etorkizuneko sarbide berriarekin; bateragarria eta beharrezkoa dela diote. “Txingudiko zein Biriatuko ordainlekuek asko moteltzen dute trafikoa, eta hori hein handi batean, errepidean dagoen estuguneagatik da”, adierazi dute.

Ipar Euskal Herriaren arteko mugan egoteak aparteko trafikoa sortzea dakar, eta Biriatuko ordainlekuaren inguruan sortutako trafiko horrek bizilagunengan eragin zuzena duela azaldu dute. Horregatik, sozialistek Frantziako gobernuarekin koordinazioa eraginkorra izatea eskatu dute eta bolumen handiko trafikoa dauden egunetan neurriak eskatu dituzte Biriatun eta Behobian trafikoa arina izan dadin. “Hau ezin aitzakia bat izan hiriak behar dituen baliabideak eta neurriak atzeratzeko. Leialtasun instituzionala ezin da konformismoarekin nahastu“, salatu dute. 

Noticia publicada en Bidasoko HITZA, el viernes día 30 de Octubre de 2026.

Udala

Udal zergak eta tasak izoztea adostu dute Udal Osoko Bilkuran

Zergak eta tasak izozteaz gain, Ondasun Higiezinen gaineko Zerga (OHZ) kolektibo berrietara zabaltzea onartu dute Osoko Bilkuran.

Gorka Correyero Llamas

Irun

2026/10/30

Irungo Udalak urriko Osoko Bilkura izan du gaur goizean. Bertan, udal zergak eta udal tasak izoztea onartu du udalak. Gainera, Ondasun Higiezinen gaineko Zerga (OHZ) kolektibo berrietara zabalduko dutelako erabakia hartu dute aho batez udalbatzako taldeek. Kolektibo horien artean, guraso bakarreko familiak, etxebizitza bateko buru diren eta etxeko edota generoko indarkeria jasan duten pertsonak eta kalteberatasun egoeran dauden pertsonak. 

“Familia bakoitzaren atzean, errealitate propio bat dago. Diru-sarrera batzuk, inguruabar pertsonal batzuk eta erantzukizun batzuk. Eta udal gisa, gure betebeharra hori kontuan hartze da, horrelako neurriak hartzen ditugunean, herritarren ongizatean pentsatuz egiten baitugu”, adierazi du Nuria Alzagak, alkateorde eta Ogasuneko ordezkariak. Gaia kudeatzeko erantzukizuna eskatu du, irundarrei ahalegin ekonomiko gehigarria noiz eskatu behar ez zaien jakiteko. 

Horretarako hainbat faktore hartu dituzte kontuan, eta horien guztien artean, diru sarreren bilketak bilakaera positiboa izan duela azaldu du. “Hurrengo ekitaldirako aurreikusitako diru sarrera berriak daude, horien artean egonaldi turistikoen gaineko zergaren ondoriozkoak”, gehitu du.

Noticia publicada en Bidasoko HITZA, el viernes día 30 de Octubre de 2026.

Gizartea

Bizitza beganoa deskubritzeko jaialdia izango da Be Veggie

Bihar eta etzi, beganismoaren epizentroa izango da Ficoba; 60 erakusmahai eta 30 jarduera izango ditu aurtengo edizioak. Gainera, datak aurreratu dituzte Beganismoaren Munduko Egunarekin bat egiteko.

Iazko Be Veggie jaialdia.

Gorka Correyero Llamas

Irun

2026/10/30

Beganoak pozarren dira, asteburu honetan urteko hitzordua izango baitute Ficoban. 2026ko Be Veggie jaialdiak, aurten, datak aurreratu ditu, eta bihar eta etzi antolatuko dute azokaren edizio berria. Data aurreratzearen arrazoia igande honetan, azaroak 1, izango den Beganismoaren Munduko Egunarekin bat egitekoa izan da. Urtero legez, enpresa askoren erakusmahaiak izango dira pabiloitan banatuta, eta bakoitzak %100nean begetalak diren proposamen gastornomikoak izango ditu publikoak horiek dasta ditzan. Guztira, 60 erakusmahai izango dira aurten. Gainera, zuzeneko ikuskizun gastronomikoak eta bestelako jarduerak programatu dituzte bi egunetarako. 

Bi eguneko egitaraua oparoa izango da beste urte batez, publikoak hamaika produktu begano probatzeko aukera izango du. Aurten, gainera, lehen pasaporte beganoa martxan jarriko dute, eta bertan bost erronka edukiko dituzte: Jan, Ekin, Zaindu, Entzun eta Ikasi. 

Berritasunen artean, Ardor Fest antolatuko dute pikantea gustukoa dutenentzat. Meraki Gourmetek Gipuzkoako pikante lehiaketa antolatuko du, zapore handiko lehia izango dela adierazi du. Egun bakoitzean bi saio egingo dituzte. Tokiak mugatuak izango dira, eta horregatik aldez aurretik izena eman beharko dute webgunearen bitartez.

Bestalde, Berriketan espazioa prestatu dute hitzaldietarako. Bi egunotan, hainbat hitzaldi programatu dituzte, eta horietan kirola, nutrizioa, filosofia, artea eta komunikazioa izango dituzte hizketagai. Hitzaldietarako espazioaz gain, Sukaldean saioa antolatuko dute, eta kasu honetan, elikadura osasungarriko eta sasoiko produktuen proposamenak azalduko dituzte.

Asteburu honetan, dena ez da jana eta edana izango. Kirolak eta mugimenduak espazio propioa izango dute, eta aurten lehenengo aldiz, Aiora Blancok barre klasea zuzenduko du. Barreak indarra, pilatesa eta balletean inspiratutako erritmoak lantzen ditu. Adin guztietarako jarduera bat izango da, baina aldez aurretik izena eman beharko dute. Musika ere ez da faltako eta Om Lila, Lucia Mauleon, Pilar Sanchez eta Aria abeslariek kontzertuak eskainiko dituzte.

Azokarako sarrera doakoa izango da, baina webgunearen bitartez eskuratu beharko dute gonbidapena. Txakurrekin sartu ahalko da. Jarduerak doakoak izango dira, baina kasu batzuetan aurretik esan bezala, izena eman beharko dute plazak mugatuak baitira. Bihar 10:00etatik 20:00etara zabalik egongo da, eta igandean, berriz, 10:00etatik 18:00etara.

Noticia publicada en Bidasoko HITZA ,el viernes día 30 de Octubre de 2026.

Gizartea

Egoera zaurgarrian dauden familiak laguntzeko programa martxan jarriko dute

8 eta 11 urte arteko umeak dituzten familientzat zuzendatuta dago programa; Baga klinikako hezitzaileek zuzenduko dute, Eguzkitza ikastetxean.

Gorka Correyero Llamas

Irun

2026/10/30

Irungo Udaleko Gizarte Ongizaterako arloak egoera zaurgarrian dauden familiak laguntzeko programa martxan jarri du. Zehazki, egoera zaurgarrian dauden 8 eta 11 urteko haurrak dituzten familientzat zuzenduta dago, Lehen Mailako Arretako Gizarte Zerbitzuak erabiltzen dituztenak. Batetik, hezkuntza eta hazkuntza gaitasunak, familia inguruaren babesa indartzea du helburu programa honek; eta bestetik, baliagarria izango da adingabeen ongizatean eta garapenean eragina izan dezaketen arrisku egoerak murrizteko. 

Baga Klinikako hezitzaile eta psikologo bana parte hartuko dute, eta familientzako tresna praktikoak azalduko dituzte seme-alaben eguneroko beharrei aurre egiteko, eta euren garapena hobeto ulertzeko. Arauak eta mugak ezarriko dituzte seme-alaben jardueren gainbegiratzea hobetzkeo eta komunikazio positiboa sustatzeko.

Programa honetan hainbat gai jorratuko dituzte: komunikazio positiboa, diziplina eraginkorra eta etengabea, arauak ezartzea, estresa murrizteko eta haserrea kontrolatzeko estrategiak, arazoak konpontzea, negoziazio-trebetasunak eta substantzien kontsumoaren prebentzioa. Horiek guztiak banakako saioetan landuko dira. Programak bigarren atal bat ere izango du. Saio hauetan, eskuratutako ezagutzak eta trebetasunak praktikan jartzeko aukera izango dute, jolas terapeutikoen eta rolak irudikatzeko dinamiken bidez. 

“Gure arloan etengabe egiten dugu lan zaurgarritasun-egoerak prebenitzeko eta familiei laguntza eskaintzeko. Programa honen bidez, gure xedea da gurasoei zein seme-alabei baliabide praktikoak eskaintzea, euren komunikazioa hobetzearren, elkarrekiko harremanak indartzearren eta eguneroko zailtasunei aurre egin diezaieten. Funtsezkoa da prebentzioz jardutea, eta familiei laguntzea arazoak larriagotu baino lehen”, azaldu du Josu Iguiñiz Gizarte Ongizateko ordezkariak. 

Eguzkitza ikastetxean

Saioak Eguzkitza ikastetxean egingo dituzte, 15 egunean behin. Ordu eta erdiko saioak izango dira, eta 45 minutuko bi zati izango dituzte. Lehenengo zatian, gurasoekin eta adingabeekin hitz egingo dute banakako saioetan; eta bigarren zatian, berriz, beste familiekin elkartu eta solasaldi bateratu bat egingo dute. Guztira, hamasei saio antolatuko dituzte, eta zortzi-hamar familiarentzako lekua izango du programak. 

Noticia publicada en Bidasoko HITZA, el viernes día 30 de Octubre de 2026.

Gizartea

Bidasoaldeko Elkarte Feministak hainbat hitzaldi antolatuko ditu

Azaroa eta abendua bitartean, zazpi hitzaldi antolatuko dituzte Palmera Monteron; hitzaldietan, gai ugari jorratuko dituzte.

Gorka Correyero Llamas

Irun

2026/10/30

Bidasoaldeko Elkarte Feministak hainbat hitzaldi antolatuko ditu Palmera Monteron, azaroa eta abendua bitarte. Urte amaiera bitarteko egitarau zabala antolatu dute, eta zazpi hitzaldiotan gai ugari jorratuko dituzte luze eta zabal. Ahalduntze indibiduala dibertsitatearen eta intersekzionalitatearen ikuspegitik landuko dute.

Datorren asteartean, azaroak 3, Asha Ismael Hussein Dahirrek Cuerpos, culturas y derechos: una mirada exhaustiva a la mutilación genital hitzaldia eskainiko du, 18:00etan hasita. Azaroaren 14an, Nazioarteko Elkarte Feministen eta Eragile Sozialen topaketa egingo dute, 10:30etik aurrera. Hiru egun geroago, azaroaren 17an, Chaimaak feminismoaren ertzak azalduko ditu ikuspegi antiarrazial, testuinguratu eta deskolonizal batetik. Egun horretan, gainera, San Migelgo eta Artiako bizilagunen elkartearen egoitzan Figuras ocultas filmea proiektatuko dute, 16:30ean eta 17:00etan, hurrenez hurren.

Azaroaren 22an, Olatz Eizagirre Olaskoagak umetokia izango du hizketagai. Hitzaldia 17:30ean hasiko da, eta umetokiaren garrantziaz ariko da. Azaroaren 28an Naroa Gamazoren txanda izango da, eta 10:30etik aurrera hirigintza eta generoa lotzen dituen hausnarketa egingo du. Azkenik, abenduaren 5ean, ahalduntzearen eta ekonomia jasangarriaren gaineko saio berezia prestatuko dute.

Hitzaldi guztiak doakoak izango dira, aretoa bete arte.

In Memoriam .....

El Foro Ciudadano Irunés lleva tantos años de funcionamiento que nos ha dado tiempo, desgraciadamente, para perder a dos de sus Presidentes: hace siete años, Agustín González y, recientemente a su única Presidente, Lucía Garbayo. Además se nos han ido, Julio Martínez, Ángel Lumbreras, Pedro Lazkano Taberna, Luis María Elorz Aramberri, Alberto González Carredano, Tomas Fernández Sastron, Javier Guezuraga y Luis (Lucho) Vera. 

Hemos conseguido remontar el vuelo tras tan irreparables pérdidas y, en su memoria, prometemos seguir adelante. Su recuerdo imborrable permanecerá entre nosotros.

Noticia publicada en la página WEB irun.org, el viernes día 30 de Octubre de 2026.

Pospuesta la charla de Ezezagunok Antzerki Taldea y la posterior obra de teatro "solo un anuncio" de esta tarde en el CBA

30.10.2026

El servicio de Cultura del Ayuntamiento de Irun informa de que la charla Geltoki de Ezezagunok Antzerki Taldea y la posterior obra de teatro "Solo un anuncio" prevista para esta tarde, 30 de octubre, a las 19:00h, en el Centro de Cultura y Creatividad CBA queda pospuesta por motivos ajenos al Consistorio.

En la nueva fecha, de la que se dará cuenta más adelante, volverán a coincidir ambos eventos. Desde el Ayuntamiento se lamentan las molestias ocasionadas a las personas que habían adquirido una entrada.