Ficobako Eguberriko Haur Parkea martxan da
Urtarrilaren 4ra arte zabalik egongo da, 15:00etatik 20:00etarako ordutegiarekin
- EL DIARIO VASCO | DONOSTIA@diariovasco
Irungo Ficobako Eguberriko Haur Parkeak ateak ireki ditu astelehen honetan, abenduaren 26an, eta urtarrilaren 4ra arte zabalik egongo da. Edizio laburragoa izango da, eskola egutegira doitze aldera, arratsaldez irekiko da, 15:00etatik 20:00etara arte, eta Gipuzkoa osoko eta ondoko lurraldeetako umeak hartuko ditu. "Eta guztia, ilararik eta pilaketarik gabe, sar daitekeen jende kopurua mugatua baita, umeek lasai-lasai goza dezaten", nabarmendu dute Ficobako arduradunek.
Ficobako 1. pabiloira sartutakoan agertuko den lehenengo proposamenetako bat 'Bubble Soccer' izango da, futbola, talkak, segurtasuna eta dibertimendua nahasten dituena burbuila batean. Wii jokoari eskainitako gunea ere zabalduko da, baita egunero karaokea egiteko eszenatokiak ere bai. Pabiloiko eskaintza osatzeko, puzgarriak, futbolinak, air-hockey mahaiak eta eskulanetako tailerrak izango dira.
Robotika eta scratch (programazioa) tailerrak antolatuko dira 1. pabiloian, baita software libreko jokoak ere. Gailu mugikorretatik kontrolatzen diren sei 'sphero robot' ere egongo dira, eta txikienentzat 'Beebot' robota eta 'Fishher Code-A-Pillar' delakoa. Halaber, 2 pabiloian "La Barredora" delakoa da berritasuna. 'El Derribador' ere esaten zaio atrakzio horri, umeek trebetasun fisikoak lantzen dituztelako jauzi eginez eta orekari eutsiz. Zezen mekanikoak, puzgarriek, ping pong mahaiek, ludotekak eta birziklatzeko jarduerek osatzen dute pabiloi horretako eskaintza.
Ficobako arduradunek adierazi dutenez, 3. pabiloia da umeen toki gogokoenetako bat. Haurrentzako talka autoak eta ohe elastikoak egongo dira bertan, besteak beste. Jarduera horretan, umeek bere trebetasunak landuko dituzte scooter gainean. Era berean, abenduaren 30ean, goizean, desgaitasunen bat duten umeentzat bakarrik irekiko da Eguberriko Haur Parkea, haiek ere parkea goza dezaten
Zezen mekanikoak, puzgarriak, ping pong mahaiak, ludotekak eta birziklatzeko jarduerak egongo dira
Zezen mekanikoak, puzgarriak, ping pong mahaiak, ludotekak eta birziklatzeko jarduerak egongo dira
No hay comentarios:
Publicar un comentario