Lourdes Larraza eta Xabier Iridoy. / Irungo EAJ
Xabier Iridoyk eta Lourdes Larrazak, Irungo EAJko bozeramaileak eta zinegotziak, gaur goizean ospatutako prentsaurrekoan, Segurtasun eta Bizikidetza Ituna garatzeko bere proposamena jakitera eman dute. Segurtasunaren alorreko jarduera desberdinak bateratuko lituzkeen ituna, helburu zehatzek osatu beharko luketena eta Irun hobe bat sustatuko lukeena. Itun honen bitartez segurtasun emaitza zehatzak eskuratuko lituzke Udalak, «hori bai, itun hau kolaboraziotik osatu beharko litzateke. Irungo Udaletxean dauden talde politiko guztiek, elkarteek eta hiritarrek ere parte hartu beharko lukete prozesu honetan», azaldu du Iridoyk.
Irungo Udaltzaingoak dituen 25 plaza hutsak beteko dituzten hautagaiak, aukeratze prozesuak gainditu dituztenak, orain astebete Euskal Poliziaren Akademian sartu zirela jakitera eman du Iridoyk. «25 plaza hauetako 13, Bateratutako Euskal Polizia Akademiak egindako deialditik ateratzen dira, eta beste 12, Udaletxeak 2018an hasi zuen oposaketa prozesutik. Denboran momentu desberdinetan deitutako prozesuak izan arren, biak duela hilabete bukatu ziren biak».
Berri honen aurrean, Iridoyk eta Larrazak prozesu honen abiarazteagatik, bere poza erakutsi dute. «7 hilabeteko prozesu honi esker, 2020ko ekainerako gutxi gorabehera, Irunek 25 agente berri izango ditu. Izan dien urte korapilatsuen ondoren, agenteen erretiro dezente eta bitarteko-kontratazioak legez egin ahal izan gabe, baina orain, prozesu honen bitartez ia pertsonalaren % 25a berrituko da, Irungo Udaltzaingoan eta baita hirian ere funski on eginez».
Hori bai, bozeramaile jeltzaleak argi esan du, «aukera ezin hobea izan daiteke hau gure hiritarren segurtasun mailaren pertzepzioa areagotzeko, hori bai, ezinbestekoa izango da denbora honetan, agente berri hauen barneratzea ongi lantzea eta koordinatzea. Halaber, aukera ezin hobea izango da, Udaletxeko talde politiko guztiek gure hiriak behar duen Udaltzaingo Modeloa zein den argi badute; Udaltzaingoaren helburuak zeintzuk diren, zein diren lortu nahi diren emaitzak, bertan garatu beharko litzakeen parte-hartzeak nolakoa izan beharko lukeen, barne antolakuntza, etab. Aukera izateko, agente berri hauek sartzerako Udalak, egun ez duen, Udaltzaingo zerbitzu antolatu eta egitaratu bat eduki behar du».
Irungo EAJk oraindik guztia eraikitzeko eta definitzeko dagoela uste duela argi esan du. «Ez dugu ikusten Gobernu Sozialista, etorkizunera begira lanean ari denik. Egun Udaltzaingoak duen plangintza eta antolakuntzak ez ditu gaur egungo beharrak guztiz betetzen, horregatik egokitzeko beharra dagoela uste dugu. Ez zaigu iruditzen egungo ereduak hiritarren beharrak egoki erantzuten dituenik. Hiritarren beharrak, Udalak ematen duen erantzunarekin guztiz lerrokatuak egon beharko lukete» esan du Larraza. Horregatik, EAJk Irunen Segurtasun eta Bizikidetza Ituna garatzea proposatzen du. «Udaltzaingoak adostasun politiko zabala behar duela uste dugu. Horregatik Itun hau talde desberdinen arteko hitzarmen edo adostasun baten bitartez sustatzea proposatzen dugu. Udaltzaingoari jarduteko eremu zehatz bat egokitu behar zaio eta hau guztion artean egin beharko genuke. Datozen urteetan izango ditugun erronkak zorrotzat eta mota askotakoak izango dira, eta hauei aurre egiteko, kasu askotan segurtasuna gako izango da arrakasta lortzeko.
Are gehiago, EAJk tinko dio, proposatzen duten Segurtasun eta Bizikidetza Itunak, Irun eraikitzerako orduan, segurtasunari dagokioneko gaietan udal talde guztien oinarri izan beharko litzakeela. «Hala Iruni etorkizun hobe bat eskaini ahalko genioke, guztiok helburu bera izango baikenuke». Bide horretan gainera, EAJk argi ditu jorratu beharko liratekeen beharrak zeintzuk diren:
Alde batetik, segurtasun-politikek segurtasuna bermatu behar dute, bere zentzu zabalenean, baina pertsonen bizi-kalitatea ere zaindu beharra dute, pertsona guztien arteko bizikidetasun baketsua bermatuz. Eta hartarako, «EAJtik beharrezko ikusten dugu, prebentzio programak eta ekimenak bultzatzea. Balioak defendatzen dituen segurtasuna babesten dugu guk, hala sozialki elkartutako hiri duina eduki dezagun».
Halaber, EAJk Udaltzaingoaren gertuko modelo baten aldeko apustua egiten du. «Udaltzaingoaren ereduak eraginkorra izan behar du, pertsonekiko hurbila, eta horretarako beharrezkoa da hiritarren eta elkarte desberdinen parte hartzea sustatzea, hauen beharrak egoki erantzun ahal izateko. Era berean, sare lana ezinbestekoa da, erakunde desberdinak eta hirian ditugun arreta-zerbitzuak, elkarlotuta edo elkar komunikatuta egon beharko lukete». Gainera, Udalaren erantzukizuna da ere, hiritarren segurtasun eskariez arduratzea. Eta nahiz eta hautematea, pertsonala eta subjektiboa izan askotan, honek hiritarren ongizatean eta hauen lasaitasunean eragin dezake.
Azkenik, Iridoyk eta Larrazak, ituna bi fasetan garatu beharko litzakeela esan dute; lehenik Irungo udaletxeko alderdi politiko guztien adostasuna lortu beharko litzake, iruna egoki garatu ahal izateko. Eta behin hau lortu ondoren, itunaren nondik norakoak aberastu ahal izateko, hiritarrei zein elkarteei zuzendutako parte hartze bat zabaldu beharko litzake. Irun guztion artean eraiki behar delako, udal talde, elkarte eta hiritarren artean.