Ongizate osorako hurbileko laguntza sarea
Pertsonen ongizatean eragiteko proposamen eta alternatibekin gehigarria egin du OARSO BIDASOKO HITZAk.
Pertsonen ongizatea erabatekoa izan dadin aldagai asko hartu behar dira aintzat. Ongizatea, gainera, ez da bakarrik osasun fisiko egokiarekin, edo eritasunik ez izatearekin lotu behar. Askoz harago doan kontzeptua, eta beraz gaia da.
Fisikoan eragin dezaketen ezusteez gainera, arlo emozional eta psikologikoa ere garrantzitsua da ongizate integralerako bidean. Estresa, presioa, lan arazoak, familia gatazkak, lagunarteen barruko ezinegonak… Asko dira desorekak sor ditzaketen kanpo faktoreak, eta horiei aurre egiteko tresna propioak ez dituzte maiz pertsonek.
Ongizaterako bidean tresnak ematen dituzten lau profesional edo zentroren adibideak jaso ditu OARSO BIDASOKO HITZA-k. Bakoitzak bere esparru eta egiteko era du, baina badute ezaugarri komun bat: tokiko zerbitzuak dira, herritarren eskura eta hurbil direnak.
Jarraian dagoen estekan, HITZAren Ongizate Gehigarria oso-osorik ikusteko aukera duzue.
No hay comentarios:
Publicar un comentario