Irun eta Hondarribiak Turismo Helmuga Adimendun bereizgarria jaso dute
Madrilgo Fitur azokan jasoko dute bihar bereizgarria Irun eta Hondarribiko udaletako ordezkariek.
Madrilgo Fitur azokan ordezkatuta daude Irun eta Hondarribia eta gaur Bidasoa bizirikek jakinarazi du bi herriek Turismo Helmuga Adimendun gisa egiaztatzen dituen bereizgarria jaso dutela.
Bereizgarri horrekin, Bidasoa Eskualdea Atxikitako Helmuga Turistiko bihurtu da, eta DTI eredua ezartzen hasi dela egiaztatu dute. 2025eko abendura arteko balioa izango du bereizgarriak eta helmuga turistiko atxiki bihurtu da.
Basquetourren eskutik jasoko dute bereizgarria bihar. Bidasoa nabarmendu egin dute “produktu turistikoen sorkuntzaren kudeaketa eraginkorragatik, sentsorizazioagatik eta helmugan dituen kudeaketa-sistemengatik”. Era berean, eskualdea “ondo kokatuta” dagoelako turistentzako eta bisitari profesionalentzako webguneen bidez (MICE), bisitariaren eta egoiliarraren arteko elkarreraginaren sustapen aktiboagatik, eta Bidasoako Hiri Behatokia dagoelako.
No hay comentarios:
Publicar un comentario