Noticia publicada en Bidasoko Hitza, el viernes día 13 de Septiembre de 2024.

Azken egunak Udal Euskaltegiko ikastaroetan matrikulatzeko

Hilaren 17an itxiko da euskara ikastaroetan izena emateko epea. Interesdunek euskaltegiko bulego ordutegian egin beharko dute inskripzioa.

Mikel Del Val

Irun

2024/09/13

Udal Euskaltegiko 2024-2025 ikasturteko euskara ikastaroetako matrikulazio epea azken txanpan sartu da, hilaren 17an (asteartea) itxiko baitira izen emateak. Interesdunek euskaltegiko bulego ordutegian egin beharko dute inskripzioa, honako ordutegian: 10:30etik 13:30era eta 16:30etik 19:00etara.

Behin izena emanda, euskara ikastaroak urriaren 1ean hasiko dira, eta 2025eko ekainaren 20an bukatuko da ikasturtea. Udal Euskaltegiak modulazio ezberdineko ikastaroak eskainiko ditu, ordutegi eskaintza zabalarekin. Ikasturterako, besteak beste, honako ikastaroak eskainiko dituzte: egunero 2, 3 edo 4 orduko ikastaroak; astean 2, 3, 4 edo 5 eguneko ikastaroak ordutegi ezberdinetan; larunbat goizetan B2 eta C1 azterketak prestatzeko ikastaroak; edota merkatari eta gurasoentzako xede bereziko ikastaroak.

Ikastaro bakoitzaren prezioa moduluaren araberakoa dela adierazi du euskaltegiak. Hala ere, asistentzia eta aprobetxamendu ona duten ikasleek euskara ikasteko udalak ematen dituen bekak eskuratu ahal izango dituzte. Beka horren bitartez, matrikularen prezioaren %100a arte jaso dezakete ikasleek.

Horrez gain, Lannahi programaren bitartez, urriaren 1etik abenduaren 20ra Udal Euskaltegiak ikastaro trinkoak doan eskainiko dizkie langabezian dauden ikasleei, %50 edo gehiagoko aldi baterako enplegu erregulazioko espedientean dauden ikasleei edo lanean egonda ere, gehienez %50eko lanaldia dutenei. Lannahi proiektua euskara ikasteko ahaleginetan ari diren edo aritu daitezkeen irundarrentzako jarri zen martxan. Programa horren barruko ikastaroak goizez egunero lau ordukoak edo arratsaldez egunero hiru ordukoak izaten dira.

Lannahi egitasmoan aritzeko interesa dutenek internetez HAZeko atarian edo HAZeko autozerbitzu terminalak erabiliz egin ahal izango dute izen ematea. Inskripzio hori osatzeko, Irun Txartela edo NAN elektronikoa eta Izenpe txartela bezalako ziurtagiri elektronikoak erabili beharko dituzte ikasleek.

Mailaketa probak

Lannahi programan zein gainontzeko ikastaroetan sartzeko, ikasleek mailaketa proba bat egin beharko dute Udal Euskaltegian hilaren 17a baino lehen. Bulego ordutegian egin beharko dira proba horiek: 10:30etik 13:30era eta 16:30etik 19:00etara.

Noticia publicada en Bidasoko Hitza, el viernes día 13 de Septiembre de 2024.

Cristina Laborda Lapitze-Elitxu auzoan izango da hilaren 19an

Alkatea Auzoetan programaren hirugarren geldialdia Lapitze-Elitxun izango da. Cristina Labordak auzoa bisitatu eta auzotarrekin bilduko da haien ideia, kezka eta iritziak jasotzeko.

Mikel Del Val

Irun

2024/09/13

Alkatea Auzoetan egitasmoaren denboraldi berria aurrera doa. Orain arte, Cristina Laborda alkateak bi geldialdi egin ditu hiriko auzoetan: lehena Behobian eta bigarrena Urdanibian. Alkateak hilaren 19an egingo du hirugarren saioa, eta Lapitze-Elitxu bisitatuko du. 17:00etatik aurrera, Laborda auzoko kaleetan barrena ibiliko da auzo elkarteko ordezkariekin. Ondoren, 19:00etan, auzo elkartearen egoitzan izango da auzotarrekin aurrez aurreko bilera bat egiteko.

Alkatea Auzoetan programa horren baitan, alkateak hilabetez hilabete hiriko auzoak bisitatuko ditu auzo elkarteetako kideekin batera, eta bertatik bertara entzun ahal izango ditu herritarren ideiak, kezkak eta iritziak.

Bestalde, aurreko urteetan egin bezala, udalak gune bat sortuko du webgunean, eta auzo bakoitzeko biztanleek astebete izango dute beren proposamen eta iradokizunak helarazteko. Eskaerak bildu eta konpromisoak hartuko dituztela baietsi du udalak, eta, ondoren, informazio puntuala emango dute hartzen diren konpromisoak zenbateraino betetzen diren jakinarazteko. Informazio guztia udalaren web atarian argitaratuko dela adierazi du udal erakundeak.

Lapitze-Elitxukoa Labordaren hirugarren geldialdia izango da. Aurrez aipatu bezala, bigarren saioa Urdanibia auzoan izan zen, maiatzaren 30ean. Jasotako iradokizunak jarraituz, udalak zenbait konpromiso hartu zituen auzotarrekin, honakoak: berrurbanizazio irisgarria sustatzea, auzoko zuhaitzak aztertzea eta auzoaren sarreran abiadura murrizteko elementuak jartzeko proposamenak.

Azkenik, udalaren webgunea herritarren ataria dela gogorarazi du udal erakundeak. Apirilaren 24an jarri zen martxan herritarrek nolanahiko gaiak planteatzeko atal hori. Informazio guztia jendaurrean dagoela nabarmendu du udalak, eta bertan, auzo bakoitzeko eskaerak eta bakoitzaren kudeaketa maila bildu dira.

Noticia publicada en Bidasoko Hitza, el viernes día 13 de Septiembre de 2024.

Adinekoen bakardadea eta isolamenduari aurre egin nahian

Katea, Lapitze eta Artia auzoetako adinekoen bakardade eta isolamendu egoerak hauteman eta horien aurrean jarduteko sortu dute proiektua.

Leire Perlines

Irun

2024/09/13

Irungo Udaleko Gizarte Ongizateko arloak jakinarazi du proiektu pilotu berri bat jarri dutela martxan adinekoen bakardade eta isolamendu egoerak hauteman eta horien aurrean jarduteko. Hiriko hiru auzotan emango dute zerbitzua, Katean, Lapitzen eta Artian.

Zerbitzuaren onuradunak “zahartze aktibo eta osasungarrian interesa daukaten pertsonak izango dira, edo beren sare soziala handitu nahi dutenak” direla dio udalak. Hiru auzo horietako batean bizi behar dira pertsona horiek, eta 60 urtetik gora izan. Zerbitzu pilotu hau isolamendua prebenitzeko udalaren programaren parte da.

Taldeko tailerrekin hasi aurretik, Amagoia Caballero zerbitzuko psikologoak bilera egingo du parte hartzaileekin, zerbitzuak beren beharrei erantzuten dien ikusteko. Era berean, beharrezkoa balitz, auzoan eta Irunen eskura dauzkaten baliabide sozialen berri emango diete. Tailer horiek astean behin izango dira elkarte bakoitzean, eta funtzio kognitiboak eta gaitasun sozialak lantzeko xedea izango dute, bai eta parte hartzaileen sare sozialak zabaltzekoa ere. Hauek dira hitzorduak:

• Artiako auzo elkartea: astelehenetan, 11:45etik 13:15era.
• Elitxu auzo elkartea: astelehenetan, 16:00etatik 17:30era.
• Kateko auzo elkartea: astearteetan, 10:30etik 12:00etara.

Aipatutako tailerretan hainbat ekintza egingo dituzte, hala nola dinamika eta joko parte hartzaileak; banakako ariketak memoria, arreta, hizkuntza, espazioko orientazioa eta gisakoak lantzeko eta parte hartzaileentzako jarduera esanguratsu edo interesgarriak, beren garapen sozioafektibora bideratuta.

Izena emateko Amagoia Caballerori deitu behar zaio: 673 02 19 94. Zerbitzua doakoa da.

Noticia publicada en Bidasoko Hitza, el viernes día 13 de Septiembre de 2024.

David Nuñok osasun publikoaren alde lan egitea eskatu du

Nuñok azaldu du anbulatorioa eraikitzea edo instalazioak hobetzea alde batera utzi eta azken urteetan eskatzen denari heldu behar zaiola.

Leire Perlines

Irun

2024/09/13

Elkarrekin Podemosek uztaileko osoko bilkuran eztabaidatzeko mozio bat aurkeztu zuen. Bertan, eskualdeko ospitaleko 5. unitatearen egoera salatzen zuen. Hain zuzen, mozioak ebakuntza gelen eta eskualdeko osasun beharrak eztabaidatzeko Erakunde arteko Mahai baten sorreraren inguruko informazioa eskatzen zuen; mahai horretan talde politikoak eta elkarteak egongo lirateke ordezkatuta.

“Mozioari buruzko erabakia mahai gainean uztea izan zen adostu zena, irailera begira uzteko. Ez da gure taldeak nahi zuena; ez dugu talde sozialisten jarrera ulertzen”, dio David Nuño Elkarrekin Podemoseko bozeramaileak.

Eta gehitu dute udan zehar Osasun Bidasoa Plataformak dokumentu estrategiko bat egin duela Bidasoa Eskualdeko osasungintzarako: “Lan handia egin dute; pena izango litzateke politikakeriagatik ezerezean geratzea”, adierazi du Nuñok.

Ildo horretatik, talde politikoei eskualdeko osasunaren aldeko mozio bat aurrera ateratzeko deia egin die Nuñok, Osasun Bidasoa Plataformak landutako dokumentua kontuan hartzeko eta Erakunde arteko Mahai batean elkarrizketarako oinarri izateko.

“Uztailean aurkeztutako mozioare espiritua, egoera jakin bati babesa ematea eta informazioa eskatzea zena, galdu egin da”, salatu du Nuñok, baina gehitu du orain aitzakia ona dutela Erakundeen arteko Lan Mahai hori eskatzeko.

 

Bozeramaileak azaldu duenez, “sakontasun handia duen” oinarri horren gainean egin behar da urte hauetan eskatzen den guztia, “hirugarren anbulatorioa eraikitzea edo instalazioak hobetzea alde batera utzita”.

Noticia publicada en Bidasoko Hitza, el viernes día 13 de Septiembre de 2024.

Kolore Gauak artisautza azoka, bihar

San Juan plazak Kolore-Kolore artisautza elkarteak antolatutako Kolore Gauak azoka jasoko du bihar, 16:30etik 21:00etara. Hamaika artisauk eta artistak jarriko dute postua.

Mikel Del Val

Irun

2024/09/13

Bihar, hilak 14, Kolore-Kolore artisautza elkarteak antolatutako Kolore Gauak artisautza azoka egingo da San Juan plazan, 16:30etik 21:00etara. Azoka hamaika posturekin zabalduko da, artisautza, kosmetika, bitxigintza, ehungintza eta dekorazioko produktuekin. Helena Handmade, Belitz, Kolore Ganbara, A todo Hilo, Decastelart, Piki’s Nature, El Alma Creativa, La Gantxeta, Mirimeba Design, N1 Vehículos a Escala eta Matrapé Macramé dira artisau eta artista parte hartzaileak.

Azokaren eta artisten gaineko informazio osoa, esteka honetan.

Noticia publicada en Bidasoko Hitza, el viernes día 13 de Septiembre de 2024.

Gasteizera joan da Adour-Bidasoa lehiaketako lehen saria

Jesus Maria Saez de Vicuña Otxoa gasteiztarrak irabazi du aurtengo lehiaketa, 'Hodeia zainduz' lanarekin. Aurten aurkeztutako 52 lanak ikusgai izango dira Amaia KZn.

Imanol Saiz

Irun

2024/09/13

Aurtengo Adour-Bidasoa margo lehiaketak badu irabazlea, horri berri eman du gaur Irungo Udalak. Jesus Maria Saez de Vicuña Otxoa gasteiztarrak irabazi du aurtengoa, Hodeia zainduz izeneko lanarekin. 2.500 euroko saria jasoko du aurki, eta plaka bat. Saritutako artelana udalaren ondarera pasatuko da, eta gaurtik (hilak 13) erakusketa batean ikusgai izango da.

Aurten 52 artelan aurkeztu dira eta horiek ere erakusketa honetan jarriko dituzte. Amaia KZn zabalduko dute, gaurko 19:00etan izango da inaugurazioa. Urriaren 13ra bitarte izango da zabalik, ohiko ordutegian: 18:00etatik 21:00etara asteartetik larunbatera eta igandetan 11:30etik 13:30era.

Epaimahaiaren sari berezia Errioxara joan da: Francisco Javier Garrido Romanosek eraman du. 500 euroko saria emango diote. Bestalde, Martzel do Nascimentok eramango du artista gaztearen saria. Honek ere 500 euro jasoko ditu. Edorta Kortadik, Javier Sagarzazuk, Helena Elbustok, Xabier Arribasek eta Maria Jose Aranzastik osatu dute epaimahaia.

Noticia publicada en Bidasoko Hitza, el viernes día 13 de Septiembre de 2024.

Bidegorri baten proba pilotua egingo dute

Irungo mugikortasunaren astearen baitan egingo dute proba. Nafarroa hiribidean bidegorri bat txertatuko dute.

Ane Mendizabal Sarriegi

Irun

2024/09/13

Datorren astean gauzatuko da mugikortasunaren astea. Zehazki, irailaren 16tik 22ra izango da. Aste horri begira, Irungo Udalak prestatu dituen jarduerez gain proba pilotu bat egingo dute. Nafarroa hiribideko goranzko noranzkoan bidegorri bat txertatuko dute.

Neurri hau, etorkizunari begira, urrats handia izan daitekeela adierazi du udalak, hiriko mugikortasun jasangarriaren planak (HMJP) hirian bidegorri baten jarraikortasuna ezartzen duelako.

“Proba pilotu honek aukera emango digu diseinu berriak martxan ikusteko obra zibileko inbertsioak egin aurretik. Ildo horretan, jarduketa pilotu honek bideko segurtasuna eta joan-etorrietarako aukerak hobetuko ditu, komunitateari begira antolatutako kale-diseinua sustatuko du eta adin eta gaitasun guztietako pertsonen irisgarritasuna eta erosotasuna handituko ditu” adierazi du Borja Olazabalek, Mugikortasun eta Garapen Jasangarriko ordezkariak. Iaz, gainera, mugikortasunaren astearekin bat eginez, beste proba pilotu bat egin zutela gogoratu du zinegotziak. Kokalekua proba horren Kolon pasealekua izan zen.

Nafarroa hiribidean egongo diren aldaketak

• Goranzko norakoan: aparkalekuen ilara kenduko da.

• Beheranzko norakoan: ez da aldaketarik egongo

Ibilgailuei dagokienez

• Ostiralean (hilak 13) zein larunbataren (hilak 14): Udaltzaingoak hesiak jarriko ditu ibilgailuak asteburuan zehar erretiratzeko.
• Astelehenean (hilak 16): Brigadako new jerseyak eta seinaleak jarriko ditu.
• 16tik 18ra: txirrindulariak zenbatu, bidegorria mantendu eta galdeketak egingo dituzte.
• Astelehenean (hilak 23): brigadak balizak eta seinaleak jasoko ditu eta ondoren, berriz ere, aparkatzeko libre geratuko da eremua.

Horrez gain, zamalanetarako eremua eta mugikortasun murriztuko pertsonentzako plazak kontrako noranzkora lekualdatuko dituzte.

Noticia publicada en Diario Noticias de Gipuzkoa, el viernes día 13 de Septiembre de 2024.

Gracias BPXSport... por esas colas en los mostradores

Esa claridad de la página web, nada mejor para la atención y el foco en la carrera de obstáculos cuando se cargan los cursos

Jon Valladares

13·09·24 | 08:30

Artaleku Irungo udala

Gracias por el servicio que ofrecéis a la hora de realizar las inscripciones en los cursillos de natación: esas colas en los mostradores que permiten practicar la paciencia de los padres cautivos; las llamadas por teléfono a los números de atención al público, perfectos para entrenar la persistencia y el miedo al vacío; esa claridad de la página web, nada mejor para la atención y el foco en la carrera de obstáculos cuando se cargan los cursos yo debo ser un poco lento, porque al estar trabajando y no poder recargar la página en todo momento he quedado en la lista de espera, según el mensaje recibido a las 8.29, cuando pensaba que estaba correctamente inscrito. Gracias por elegir un gran día, como el primer día de colegio, para tener a todos los padres y madres pendientes de los móviles, esperando a que salieran los cursillos debido a un fallo en el servidor serán los rusos esta vez, aunque creo recordar que el año pasado también hubo ciertos problemillas en el sistema. Gracias a todos, al Ayuntamiento de Irun por externalizar servicios, a la empresa BPX por poner tan magníficos medios de atención al público y a las recepcionistas por su paciencia en recibir el chaparrón. Un padre agradecido.

Noticia publicada en Diario Noticias de Gipuzkoa, el viernes día 13 de Septiembre de 2024.

Irun ensayará un bidegorri en la Avenida de Navarra

Este proyecto obligará a quitar aparcamientos durante el proyecto piloto

N.G.

13·09·24 | 14:27 | Actualizado a las 19:52

La Avenida de Navarra de Irun, vallada para el bidegorri provisional N.G.

Los irundarras contarán durante una semana con un nuevo bidegorri en una céntrica zona. No tendrá extensión, en principio, durante el resto del año, pero servirá para evaluar la movilidad y la posibilidad de introducir nuevos carriles-bici en lugares céntricos de la ciudad. Así como hace un año fue el paseo de Colón, en esta ocasión el proyecto piloto de bidegorri se va a llevar a cabo en la avenida de Navarra, desde el lunes 16 hasta el 22 de septiembre coincidiendo con la Semana Europea de la Movilidad, aunque las afecciones al tráfico para hacer realidad esta prueba comenzarán ya desde el viernes anterior.

Desde el lunes 16, estará prohibido aparcar en el sentido ascendente de la avenida de Navarra para facilitar el espacio al bidegorri. Para que esto sea posible, ya durante el viernes y el sábado la Policía Local colocará vallas y precintará la zona para que todos los vehículos sean retirados antes del lunes. Ese día, la brigada colocará el balizamiento y las señales para proteger el bidegorri y garantizar la seguridad vial, al tiempo que agentes de regeneración urbana llevarán a cabo conteo de ciclistas, encuestas y demás. De nuevo, se podrá aparcar el lunes 23 una vez que la brigada retire el balizamiento y las señales.

Aunque se trata de una prueba que durará tan solo 7 días, el Ayuntamiento busca con este proyecto valorar su viabilidad y funcionalidad, ya que el propio Plan de Movilidad Urbana Sostenible establece la continuidad del bidegorri por el centro, tal y como han propuesto formaciones como el PNV en numerosas ocasiones.

El concejal de Movilidad, Borja Olazabal, se ha congratulado de que "esta prueba piloto nos ofrece la oportunidad de demostrar los nuevos diseños antes de realizar las inversiones de obra civil. En ese sentido, esta actuación piloto servirá para mejorar la seguridad vial y las opciones de movilidad, respaldar diseños de calles orientados a la comunidad y aumentar la accesibilidad y la comodidad para todas las edades y capacidades".