Udaran ere marrazketa, pintura eta zeramika ikastaroak
Haur zein helduentzako ikastaroak dira eta dagoneko izena eman daiteke, ekainaren 7ra bitartean.
Udaran ere udalaren marrazketa eta pintura, eta zeramika akademietan ikasteko aukera egongo da. Matrikulatzeko epea zabalik dago jada eta datorren ekainaren 7an itxiko da, Irungo Udalaren orrialdean.
Marrazketa eta pintura akademiak hiru ikastaro eskainiko ditu eta ikastaro bakoitzak 16 ordu iraungo ditu, bi orduko zortzi saiotan banatuta. Taldea osatzeko bost lagun behar dira eta gehienez hamar onartuko dituzte. Ez da aurretiazko esperientziarik behar, hau da, maila guztietako jendeak eman dezake izena.
Haurrentzako marrazketa tailerra 6 eta 12 urtekoei begirakoa da eta ikuspegi ludikotik prestatutako saioak izango dira: gozatzekoak. Helburua, sormena sustatzea da eta adierazpide plastikoak praktikatzea.
Pintura ikastaroa, berriz, 11 urtetik gorakoentzat da eta marrazketan eta pinturan hasteko edo sakontzeko eskolak emango dira. Helburua sormena sustatzea da ere eta adierazpide plastikoak praktikatzea.
Azkenik, aire zabaleko pintura tailerra eskainiko da Anakako akademiak eta 11 urtetik gorakoei zuzendutakoa da. Astelehenetik ostegunera bilduko dira, 18:00etatik 20:00etara eta Bidasoko paisaia ezagutzea izango da xedea.
Udalaren zeramika tailerra 16 urte artekoi zuzendutakoa da. lehen bi asteetan buztina modelatzen ikasiko dute, atximur teknikarekin eta txurroak edo plakak osatuz. Ondoren, egunerokoan erabiltzeko elementuak sortuko dituzte, hala nola, katiluak, kikarak edota figuratxoak. Azken bi asteetan sortutako piezak apaintzen arituko dira, engobea, zeramika eta kautxuzko zigiluak erabiliz. Uztailaren 3tik 30era izango da, astelehenetik ostegunera, 10:00etatik 12:00etara.
No hay comentarios:
Publicar un comentario