Zerbitzu berria Talgo tren batekin emango da Irun eta Gasteiz artean. / Martin Tellechea

Euskadi Galizia eta Salamancarekin lotzeko konexioa berreskuratuko du Renfek urtarrilaren 11tik aurrera. Zerbitzu berria Talgo tren batekin emango da Irun eta Gasteiz artean; hortik Alvian bidaiatu ahalko da Burgos, Valladolid, Salamanca, Palentzia, Leon, A Coruña, Vigo edo Santiago de Compostelara.

Talgo trena egunero abiatuko da Irundik 12:05ean (Donostia 12:21; Zumarraga 13:08) eta Gasteizera 13:58an iritsiko da; handik Alvia tren bat abiatuko da 14:08an Salamanca eta Galiziara. Aurkako noranzkoan, trena 07:42an abiatuko da Vigotik, A Coruñatik 08:05ean eta Salamancatik 12:48ean: Donostiara 18:20ean helduko da (Zumarraga 17:28; Irun 18:40), Gasteizen trenez aldatu ondoren.

Bestalde, urtarrilaren 11tik aurrera Renfek Bartzelonara joan-etorriko eguneroko zerbitzua berrezarriko du, orain arte txandakako egunetan egiten zen zerbitzuaren ordez.

Txartel konbinatuak

Erabiltzaileentzat eskuragarri dauden bidaia soluzioak areagotze aldera, Renfek txartel konbinatuak erosteko aukera jaso du bere eskaintza komertzialaren barruan, lotura duten zerbitzuen kasuan. Bidaia soluzio horietan lotura bermatuta dago; horrek esan nahi du bidaia osatzen duten bi trenetako edozeinek edozein arazo izanez gero, Renfe arduratuko litzatekeela kudeatzeaz. Informazio hau osorik zein partzialki erabil daiteke, iturria aipatu beharrik gabe.

Bidaia horiek txartel bakarrean ematen dira, eta zerbitzua osatzen duten bi trenen informazioa biltzen da bertan. Horrez gain, txartel honek deskontua ere badu, txartelen prezioa banaka batuz gero ordaindu beharko litzatekeen kopuruarekin konparatuta.

Renfek promozio kanpaina bat jarriko du martxan, txartelen deskontuekin eta +Renfe puntu gehigarriak eskainiz erosterakoan, %25, %50 edo %75eko deskontuak itxaron denboraren arabera.

Trenetan segurtasunez bidaiatzea

Renfek bidaiarien garraiorako COVID-19aren aurreko AENOR ziurtagiria lortu du, konpainiak zerbitzu komertzialetan ezarritako protokoloak ebaluatu ondoren, Ave, Alvia, Euromed, Intercity eta Avant trenei dagokienez.

Ekimen honen helburua bidaiatzerakoan bidaiariei erabateko konfiantza ematea da eta, hala, trenez bidaiatzeko mugikortasun ohiturak berreskuratzea, konfinamendutik ateratzeko fase honetan alderdi erabakigarria baita normaltasunera arrakastaz itzultzeko.

AENORREK ziurtatutako Renferen protokoloetan bidaiari batek zerbitzuarekin kontaktua duen une oro aurreikusi da, bidaia hasi aurretik, bidaian zehar zein ondoren.

Hala, check-in eta trenetara sartzeko prozesuak, bidaiarien banaketa, trenen barruko garbiketa eta desinfekzioa bezalako prozesuak bildu dira, baita bidaiariak eta langileak babesteko bestelako neurriak ere.

Renfek gogorarazi nahi du bidaian zehar bidaiari guztiek maskara jantzi behar dutela tren barruan.