Milaka ikasle Eguberrietako Haur Parkera gerturatu dira
Ficobako ateak abenduaren 26tik urtarrilaren 4ra irekiko dira familientzat
JON GUEZALA - Miércoles, 18 de Diciembre de 2019 - Actualizado a las 06:03h
Aurtengo Eguberrietako Haur Parkearen eskulanak egiteko gunea.
IRUN- Urtearen amaiera geroz eta gertuago dagoelarik, Ficobako Eguberrietako Haur Parkea egun hauetako ezinbesteko ekimenetako bat da Irunen. Beste behin batez, erakustazokako hiru pabilioiak txikien-tzako aisialdi proposamenez bete egin da dagoeneko.
Hain zuzen ere, Gipuzkoa, Nafarroa eta Iparraldeko hainbat ikastetxe parkea bitatzen ari dira aste honetan;ostiralerarte, abenduak 20, Eguberrietako Haur Parkea ikasleentzat bakarrik egongo da zabakik. Ficobak helarazi dituen datuen arabera, aurten 3.000 haur baino gehiagok parkeaz gozatzeko aukera izango dute bere eskolen eskutik.
Beste guztientzat Ficobako ateak abenduaren 26ean, osteguna, irekiko dira parkea bisitatu ahal izateko eta urtarrilaren 4ean itxiko dira.
Bertan familiek haurrentzako aisialdi eskaintza erraldoia aurkituko dute. Lehenik eta behin, kirola praktikatzeko hainbat eremu instalatu dira, Errealaren eskutik: futbol zelai txiki bat, futbolin erraldoi bat, eta puzgarriak.
Aldi berean, Gipuzkoako Foru Aldundiaren ikasgela ibiltarian jarduera teknologikoak egin ahalko dituzte haurrek, bideojokoak sortzen eta programatzen ikasten. Aisi hezigarria bultzatzen dituzten ekimen ugari izango ditu aurtengo Eguberrietako Haur Parkeak;Aldundiaren tailer teknologikoez gain, Gurutze Gorriak lehen sorospen tailerrak eskainiko ditu, eta Txingudiko Zerbi-tzuakek haurrek birziklatzen ikas dezaten ekimenak antolatuko ditu.
Bestalde, betiko erara jolasteko aukera ere izango dute parkera hubiltzen direnek. Matxinsaltoa, trena, zeldiko-maldikoa eta ohe elastikoak jarri dituzte Ficoban, baita skate parkbat ere.
Jolasen ostean indarrak berriz hartzeko eskaintza gastronomikoa oparoa izango du parkeak, eta urtebetetzeak prezio berezien aukera emango du.
Eguberrietako Haur Parkerako sarrerak pin.ficoba.org webgunean daude eskuragai eta abenduaren 22ra arte bost eurotan daude salgai. Sarreren prezio arrunta zortzi eurokoa da hiru eta hamairu arte bitarteko haurrentzako eta zazpi eurokoa helduen-tzako. Parkearen ordutegia 15.00etatik 20.00etara izango da egunero, eta, ohikoa den bezala, Ficobako parkinga dohainik izango da.
No hay comentarios:
Publicar un comentario